Ab chalna seekh gya hu

Shuruwat rengate hue ki thi,
Par ab chalna seekh gya hu,
Thodi si thakawat hui hai,
Par ab chalna seekh gya hu..

Pairo me thokre bahut lagi,
Choten bhi bahut khayi hai,
Upar niche hone wali in dagro pe,
Ab chalna seekh gya hu..

Koi raste me mile the,
Koi raste me hi chuth gye,
Akela chala tha akela hi rukunga,
Par ab chalna seekh gya hu..

Kahi ruke toh bas jane ka mann kiya,
Kahi thame to wahi tham jane ka mann kiya,
Par manjil ke raste me adachane bahut hai,
Par ab chalna seekh gya hu..

Pairo me chaale pad chuke hai,
Thoda sa khoon bhi bahaa hai,
Par manjil ki roshni ka apna maja hai.

Thokre khana seekh gya hu, Ab chalna seekh gya hu..

Aur Hum Nadiya Ke Paar Hote

Aaj sab bandhan todke aage badha hu,
Kaash kuch kadam tum bhi saath deti,
Toh aaj is nadiya ke us paar hote..

Pehle dara tha ghabraya tha par ab nirbhay hu,
Nirbharta k kuch pal agar tum bhi bitaati,
Toh aaj is nadiya ke us par hote..

Ek aag apne mann me jalaa ke nikla hu,
Tere mann ko us chingari ko tum bhi hawaa deti,
Toh aaj is nadiya ke us paar hote.

Nadiyaa ke is paar akele khada hu,
Thodi der saath chalte to saahil ke aur paas hote,
Toh aaj is nadiya ke us paar hote.

Waha kisi tarah ka darr nahi koi rok nahi,
Bas hum hote aur ek samaa hota humara,
Aur hum nadiya ke paar hote.

Zindagi ke har pal me us taraf ke kinare ko sochta hu,
Kaash ab hum us taraf hi milege,
Saalo baad us tujhe taraf pahchaan lunga,
Tab koi alag naa kar payega hume,
Aur hum us paar honge..