Aakhri Baat

Naa dhoop ki kirno ki mang hai naa chaya ki jarurat hai,
Naa dharti pe pair rakhe hai naa aasman ko chune ki ab koi khwaish hai,
Naa koi ab bandhishe rahi hai naa aazadi ki ab chaah bachi..
Ek roshni hai jiski taraf badhta raha hu..

Apne sab dekh rahe hai ummid se..
Par kisi ki awaj nahi sunayi deti,
Naa ab koshish karni hai khade hone ki,
Naa unki taraf ab badhna hai..

Naa ab khone ka darr hai aur naa hasil karne ki chaah,
Agar kuch baki rah gya hai toh ab uski parwaah nahi,
Ab nayi shuruwat karne ka mann bhi nahi,
Ab is shanti me ghum ho jana hai..